Kailbach
De Akschdhersch
Text: nach Günter Zabel
Sprecherin: Ingrid Krieger
Sprecherin: Friederike Kroitzsch
De Akschdhersch
Vor viele Johr hot in denne Wälder in de Näh vun Kehlboch en schdarge Hersch gelebt. De Hersch war awer en ganz bejise Gsell. Jedesmool, wenn er en Mensch im Wald g`sehe hot, hoter, denn ohgegriffe.
Enes Dags awer warn zwoo Waldarbeiter sou in die Erwed versunge un sou hawe se denn Bejisewicht erschd zu schbäd g`sehe. Der wolld schunn mimm g`senkte Kopp ogreife. Do hot der ehne Monn die grouß Akschd genumme un hotse dem Hersch midde ins Geweih nei gschlaage. De Hersch is gedorgelt un abgehaue.
Die Akschd is awer dief im Kopp g´schdogge un seid doomools is de Hersch mit de Akschd im Kopp rumgelaafe. Faschd niemand hot en nochemool g`sehe.
Viele Joahr schbäder hot de Ferschder den Hersch g`schosse, die Akschd war immer noch im Kopp g’schdogge. De Schdiel war abgebroche, blous e Schdigg war noch im Eise. De Ferschder hot des Geweih noch e longe Zeit uffghowe, dann awer in e Jagdmuseum gewwe.
Wo’s hejid is?
Vielleicht siehschd Du`s emool – dann schreib uns e Kard.
Mei Kehlboch
Text: Kailbacher Lied
Sprecherin: Ingrid Krieger
Sprecherin: Friederike Kroitzsch
Mei Kehlboch
Mir sein halt vom Oudewald, seins kreizbrave Leit.
Zum Esse, zum Trinke, zu allem bereit.
Un uff de gonze Welt mir`s nejenz sou g`fällt
als wie im schejine Oudewald, wu laut des Echo schallt.
Wie is doch im Summer de Wald sou scheji grie,
betracht blous die Blumme, wie die sou scheji bliehe.
Un erschd zur Winterszeit, wenn alles is verschneid,
do is der Wald sou scheji, im diefe weiße Schneji.
Wie lieb ich mei Homet wie nix uff de Welt,
kee Plätzche uff Erde wo mir´s besser gfällt.
Drück ich zur ledschden Ruh - emool die Age zu,
obs jung ist oder alt, so seis im Oudewald.
Im herrlich grünen Oudewald leijid Kehlboch schmuck und klee.
Von Bergeshöh der Hohberg grüßt im Obendsunneschein.
Umringt vom dunkle Dannewald, durch`s Daal die Itter fließt,
vom Wald des Kuckucks Ruf erschallt, am Weg des Veilchen blieht.
Oh Kehlboch du im Ittertal, du bischd mein Heimatort.
Sei mir gegrüßt viel tausendmool, jetzt und auch immerfort.
Initiative und Organisation:
Hans Slama, Langenelz, und Dr. Isabell Arnstein, Buchen
