Hesselboch - zimmlich abgleeche

Text: Rainer Müller
Sprecher: Rainer Müller

Hesselboch -zimmlich abgleeche

Jetz senn mer in Hesselboch.
Mir leiche knapp finfhunnert Meder houch
un hewwe rund hunnertsechzich Eiwohner.
En werklich gleener Ort im südöstliche Zipfel vun Hesse.

Mer seycht, dass bei uns di Sunn am längschde scheine deed,
manche saache awwer des deed sou net schdimme,
awwer sie scheint uff jeden Fall
viel länger als bei denne dunne im Daal.

Die Grenze vum badische un bayrische
gejit ganz noh bei uns vobei.
Owwe im Wald, e Schdick owwerhalb vum Kerchhouf,
is en grouße Sandschdee uffgschdelld,
wu alle drei Grenze zammelaafe.
Wenn du do druffhockscht, awwer der Stee
is u’gfär en Meder un dreisich houch,
bischd mit deim Hinnerdeel in drei Länder gleichzeitich.

Frieher hewwe mer zum Klouschder Amerboch gekehrt, dann senn
mer zamme mit Schellboch un Kehlboch zu Hesseeck worn un
jetzt heese mer Schdad Owerzent, Schdaddeel Hesselboch.

Mir hewwe ke Gschäfte.
En Metzger un en Becker kumme alle Wuche vobei un vokaafe
unner annerem Worschd un Broud.
Awwer mir hewwe no e Wertschaft, e guddi sogar.
Wu gibts en sou ebs no in sou me gleene Ort?

Zum eikaafe messe mir fordfarn, halt emoord hi.
Iwwer Schlossi naus uff Mudi, niwwer uff Buche
odder nei uff Ewerboch
odder iwwer Werzberch a uff Michelschdad un Erboch.
Mir leiche also eichendlich zimmlich abgleeche.

Daus im badische hewwe se frieher g’saat in ,, Heschelboch“ sou
saache di dort zu uns, heert die Stroße uff,
do is di Welt mit Bredder vonachelt,
do hellt mer ke Fraa, net e mol e Seyle.
Des stimmt awwer net, frieher net un heyt erscht reecht net.