Gerchsheim I
D`R GERGSA`MR WALDMICH`L
Autor: Heinrich Müller
Sprecher: Lothar Amon
Sprecherin: Friederike Kroitzsch
Bis zum Bau vo d`r Audobahn A 81 hoad d`r Fürschd zu Leininga in d`r Gergsa`mr un Schöafld`r G`markung Wäld`r besassa. Michael Müller – er war bei uns nur d`r Waldmich`l – gebora 1882 un hoad g`labbd bis 1965, war seid 1901 als Waldhüd`r bei d`r fürschdlich–leiningisch`n Domänav`rwaldung in Amorbach beschäfdigd.
I wäß nou, wu mier no glänni Kinn`r wara un m`r hoad damals `n Waldmich`l g`saacha, wenn`r nachmiddachs vom Wald aus hänni g`loffa ied, ham m`rn imm`r g`fröachd: „ Mich`l, was hasd`n haüd alles g`saacha? „Dann hoad`r uns Andword gaawa un z.B. g`sachd: „Siewa Haasa, zwölf Reha un `n Haufa Wildsaü! „Ob`s woahr war od`r a nied - mier wara froha un zufrieda, dass uns d`r Waldmich`l seiG`schichdli v`rzäihld hoad.
In d`r Noachkriegsjoahra id`s öfd`r vorkumma, dass Houlz aus`n Leinischa g`schdoula worda ied – Leinisch`r hod m`r in Gergsa zum Wald vom Fürschd Leining`r g`sachd. Äämol, wu a widd`r Houlz g`schdoula worda ied, ham di Houlzdieba a Schrifddaf`l henn`rlassa, wu a amüsandes Schbrüchla druff g`schdanna ied: Sou, ihr leinische Lumba – mier ham es Houlz, un ihr habd`n Schdumba! D`r Baam id ung`fähr in än Med`r Höha abg`saachd worda. D`r Waldmich`l hoad imm`r widd`r ermidd`ld, aw`r d`r Houlzdieb id nie üw`rführd worda.
1951 hoad d`r Waldmich`l a Ehrung vom Bräsidänd des Landbezirgs Baden erhalda. In d`r jungi Bundesrebublik is`r dann schböad`r als erschd`r Gergsa`mr mid`n Bundesv`rdiensdgraüz ausgezäch`rd worda!
Bis zum Bau vo d`r Audobahn A 81 hoad d`r Fürschd zu Leininga in d`r Gergsa`mr un Schöafld`r G`markung Wäld`r besassa. Michael Müller – er war bei uns nur d`r Waldmich`l – gebora 1882 un hoad g`labbd bis 1965, war seid 1901 als Waldhüd`r bei d`r fürschdlich–leiningisch`n Domänav`rwaldung in Amorbach beschäfdigd.
I wäß nou, wu mier no glänni Kinn`r wara un m`r hoad damals `n Waldmich`l g`saacha, wenn`r nachmiddachs vom Wald aus hänni g`loffa ied, ham m`rn imm`r g`fröachd: „ Mich`l, was hasd`n haüd alles g`saacha? „Dann hoad`r uns Andword gaawa un z.B. g`sachd: „Siewa Haasa, zwölf Reha un `n Haufa Wildsaü! „Ob`s woahr war od`r a nied - mier wara froha un zufrieda, dass uns d`r Waldmich`l sei
G`schichdli v`rzäihld hoad.
In d`r Noachkriegsjoahra id`s öfd`r vorkumma, dass Houlz aus`n Leinischa g`schdoula worda ied – Leinisch`r hod m`r in Gergsa zum Wald vom Fürschd Leining`r g`sachd. Äämol, wu a widd`r Houlz g`schdoula worda ied, ham di Houlzdieba a Schrifddaf`l henn`rlassa, wu a amüsandes Schbrüchla druff g`schdanna ied: Sou, ihr leinische Lumba – mier ham es Houlz, un ihr habd`n Schdumba! D`r Baam id ung`fähr in än Med`r Höha abg`saachd worda. D`r Waldmich`l hoad imm`r widd`r ermidd`ld, aw`r d`r Houlzdieb id nie üw`rführd worda.
1951 hoad d`r Waldmich`l a Ehrung vom Bräsidänd des Landbezirgs Baden erhalda. In d`r jungi Bundesrebublik is`r dann schböad`r als erschd`r Gergsa`mr mid`n Bundesv`rdiensdgraüz ausgezäch`rd worda!
